پنجاب حکومت آج اپنی 2 سالہ کارکردگی عوام کے سامنے پیش کرے گی

وزیراعلیٰ پنجاب کا کہنا ہے کہ حکومت پنجاب اپنی دو سالہ کارکردگی آج عوام کے سامنے پیش کرے گی۔
تفصیلات کے مطابق وزیراعلیٰ پنجاب عثمان بزدار کی زیرصدارت صوبائی کابینہ کاخصوصی اجلاس آج ہوگا جس میں صوبائی وزرا، مشیران،معاونین خصوصی،چیف سیکرٹری اورسیکرٹریز شریک ہوں گے۔
وزیراعلیٰ پنجاب کی زیرصدارت اجلاس میں صوبائی حکومت کی 2 سالہ کارکردگی پر رپورٹ پیش کی جائےگی۔

سردار عثمان بزدار نے اس حوالے سے اپنے بیان میں کہا کہ 2 سال میں صوبے کی بہتری کے لیے ہرممکن اقدامات کیے،پنجاب کو بہتر سے بہترین بنانے کے سفر کا آغاز کر دیا ہے۔
وزیراعلیٰ پنجاب کا کہنا تھا کہ مختصر ترین مدت میں ریکارڈ پالیسیاں اور قوانین منظور کرائے، ہماری پالیسی میرٹ اور شفافیت ہے، کسی کو انحراف کی اجازت نہیں دیں گے۔
انہوں نے مزید کہا کہ عوام کے مسائل حل کرنے کے لیے دن رات کام کر رہے ہیں، ہر محکمے کی اوور ہالنگ کی جا رہی ہے۔

اپنا تبصرہ بھیجیں