دورہ انگلینڈ سے واپسی پر کرکٹر محمد عامر کی بیٹی نے بابا کا خؤب استقبال کیا

قومی ٹیم کے فاسٹ بولر محمد عامر دورہ انگلینڈ سے واپس آئے تو ان کی بیٹی منسا والد سے لپٹ گئی.اور اپنے والد کا خوب گرم جوشی سے استقبال کیا .
تفصیلات کے مطابق قومی کرکٹرز کرونا وبا کے دوران انگلینڈ کا طویل دورہ مکمل کرکے گزشتہ روز وطن واپس پہنچے ہیں، اور کھلاڑیوں کی جانب سے اپنے بچوں کے ہمراہ جذباتی ویڈیوز شیئر کرنے کا سلسلہ جاری ہے۔

فاسٹ بولر محمد عامر کی اہلیہ نرجس عامر نے ان کی بیٹی منسا کی ویڈیو شیئر کی جس میں منسا کو بابا سے لپٹتے ہوئے دیکھا جاسکتا ہے، منسا دیر تک اپنے بابا کو چومتی رہیں، باپ بیٹی کی ویڈیو سوشل میڈیا پر وائرل ہوگئی۔
محمد عامر کے مداحوں کی جانب سے ویڈیو کو خوب سراہا جارہا ہے اور ان کی بیٹی کی صحت یابی اور اچھے نصیب کی دعائیں دی جارہی ہیں۔ لیکن ساتھ ہی ساتھ کچھ صارف ان کو اپنی کرکٹ میں پرفارمنس بہتر کرنے کا مشورہ بھی دے رہے ہیں‌

گزشتہ روز اظہر علی اور وہاب ریاض نے بھی اپنے کمسن بیٹوں کے ہمراہ ویڈیو شیئر کی تھی جو سوشل میڈیا پر وائرل ہوگئی تھی۔ قومی ٹیم انگلیںڈ میں ٹی ٹوینٹی سیریز برابر کرکے وطن واپس پہنچی ہے، کرونا کے باعث کھلاڑیوں نے دو ماہ بائیو سیکیور ماحول میں گزارے اور میدان میں ہی پریکٹس کرتے رہے۔ اور اب اپنا دورہ مکمل کر کے واپس پہنچ رہے ہیں‌

اپنا تبصرہ بھیجیں