قومی کرکٹ ٹیم کے سابق کپتان اور سوئنگ کے سلطان وسیم اکرم نے ایک بار پھر کراچی کے ساحل کی گندگی پر اپنی آواز بلند کی۔ پاکستان کرکٹ ٹیم کے سابق کپتان وسیم اکرم صبح صبح بیگم کے ساتھ ساحل سمندر پر پہنچ کر پریشان ہوگئے، کچرے سے اٹے ساحل کو دیکھ کر انہوں نے کہا کہ پاکستانی بہت خوبصورت لوگ ہیں لیکن گندے بھی ہیں
وسیم اکرم نے اپنے سوشل میڈیا اکاؤنٹ پر ایک ویڈیو شیئر کی جس میں ان کا کہنا تھا کہ سوچا تھا کہ ہفتے کے بعد پیر پہلا دن ہے، سمندر پر مزہ آئے گا لیکن میں نے اپنی بیوی کو سی ویو پر لا کر بہت بڑی غلطی کر دی۔
انہوں نے سی ویو کی گندگی کے بارے میں بات کرتے ہوئے کہا کہ کسی کو مورد الزام نہیں ٹھہرانا بلکہ بحیثیت قوم ہمیں اپنے آپ کو قصوروار ٹھہرانا ہے۔
We need to stop pretending this is ok because it’s not! pic.twitter.com/obPZhP44Vd
— Wasim Akram (@wasimakramlive) October 5, 2020
وسیم اکرم کا مزید کہنا تھا یہ بہت ہی شرمناک بات ہے، ہم پوری دنیا کو کہتے ہیں کہ پاکستان بہت خوبصورت ملک ہے، لوگ بہت خوبصورت ہیں، ’لوگ بہت خوبصورت ہیں مگر گندے بھی ہیں۔‘
ان کا کہنا تھا کہ جن لوگوں کو سوشل میڈیا پر نصیحتیں دینے کا شوق ہے نا تو یہ وقت ہے مشورے دینے کا، یہ سارا گند سمندر سے آیا ہے، جو آپ سمندر میں ڈالتے ہیں وہ سارا باہر آتا ہے۔
وسیم اکرم کی اہلیہ شنیرا اکرم نے بھی اپنے ٹوئٹر اکاؤنٹ پر ایک تصویر ڈالی جس میں وہ ساحل پر جمع ہونے والے کچرے پر کھڑی ہیں۔
انہوں نے اپنے ٹوئٹ میں لکھا کہ ہمارا شہر تکلیف میں ہے اور یہ (شہر) ہمیں روز بتا رہا ہے، ہم اس کی مدد کے لیے چلا رہے ہیں لیکن کوئی بھی ہماری بات نہیں سن رہا۔ ان کا مزید کہنا تھا کہ اسے اب رک جانا چاہیے، یہ (کچرا) ہمارے شہر، ہمارے لوگوں اور کلچر کے لیے باعث شرم ہے، ہم ایسے نہیں ہیں۔
Our city is in pain and it’s telling us every day. We are crying out for help but no body can hear us. This has got to stop! This has bought shame on our city, our people and on our culture. This is not who we are 🇵🇰 pic.twitter.com/aM0gAXL7dU
— Shaniera Akram (@iamShaniera) October 5, 2020
اس سے پہلے بھی وسیم اکرم کئی بار کراچی کے ساحل پر گندگی کے حوالے سے آواز اٹھا چکے ہیں۔ لیکن پھر بھی حآلات ویسے کے ویسے ہی ہیں
