ثمن ذوالفقارپاکستان میں نئی تاریخ رقم کرنے والی خآتون

ثمن ذوالفقار پاکستان میں نئی تاریخ رقم کرنے والی خاتون بن گئیں .اور انہوں‌نے ثابت کر دیا کہ خواتین ہر شعبے میں مردوں کے شانہ بشانہ کام کر سکتی ہیں۔ والدین، سوسائٹی اور سسرال والے سپورٹ کریں تو خواتین مردوں کے لیے مخصوص سمجھے جانے والے شعبوں میں بھی کامیاب ہو سکتی ہیں۔

‏ثمن ذوالفقار کو پاکستان کی پہلی خاتون کرکٹ میچ ریفری ہونے کا اعزاز حاصل ہے وہ 2016 سے اس شعبے سے وابستہ ہیں لیکن ان کے علاوہ اب تک پاکستان میں کوئی اور خاتون اس شعبے منسلک نہیں ہوئی، اس طرح منفرد اعزاز ثمن ذوالفقار کو ہی حاصل ہے۔

پاکستان کرکٹ بورڈ نے حال ہی میں ڈومیسٹک کرکٹ سیزن 2020۔21 کے لیے آفیشلز کا اعلان کیا ہے، ثمن ذوالفقار ڈویلپمنٹ پینل میں شامل واحد خاتون میچ ریفری ہیں، ان کا تعلق شیخوپورہ سے ہے اور وہ 9 ماہ کی بیٹی کی ماں بھی ہیں۔

ثمن ذوالفقار نے کہا کہ بس تعلیم کے دوران ہی کرکٹ کھیلی ہے، اسپورٹس سائنسز میں ماسٹرز کے دوران سب سے زیادہ دلچسپی کرکٹ میں پیدا ہوئی، ماسٹرز کے بعد کرکٹ سے وابستہ رہنے کے لیے امپائرنگ کورس کیا وہاں سے مجھے پتہ چلا کہ اگلی منزل میچ ریفری ہوسکتی ہے، میں نے پھر میچ ریفری کا کورس کیا اور پھر اس شعبے کو اپنا لیا، مجھے اپنی صلاحیتیوں کو سامنے لانے کے لیے یہ شعبہ اپنے لیے بہتر لگا کیونکہ یہ ایک ایسا کام تھا جس میں آپ کو ارد گرد آمنے سامنے نظر رکھنا ہوتی ہے۔ مجھے اس کا شوق بھی تھا اس لیے اس شعبے کا انتخاب کیا

انہوں نےکہا کہ پاکستان کرکٹ بورڈ کی حوصلہ افزائی سے قبل مجھے اپنے گھر والوں سے بہت سپورٹ ملی، مجھے کام کرنے کی اجازت ملی، میں نے تعلیم مکمل کی اور پھر شادی کے بعد مجھے سسرال والوں نے کام سے نہیں روکا، میں اس لحاظ سے خود کو بہت خوش قسمت سمجھتی ہوں کہ مجھے ہر کسی سے اتنا تعاون ملا جو مجھے ہمت دیتا رہا اور اس طرح‌ میرے لیے کام جاری رکھنا آسان ہو گیا . اور میں‌اپنے کام میں‌آگے بڑھتی رہی اور ترقی کرتی رہی

ان کا کہنا تھاکہ میں یہ اعزاز حاصل کرکے بہت خوش ہوں کہ میں پاکستان کی پہلی خاتون میچ ریفری ہوں اور اب تک واحد خاتون میچ ریفری ہوں، میں دوسری لڑکیوں سے بھی کہوں گی کہ پی سی بی بہت مواقع فراہم کر رہا ہے اس سے فائدہ اٹھائیں۔ اور اپنی صلاحتوں‌کو سامنےلائیں‌. ان کا کہناتھا کہ خواتین کسی سے کم نہیں‌کوئی بھی میدان ہو . ہم خواتین نے ہمیشہ اپنی صلاحتوں‌سے اپنا آپ منوایا ہے

اپنے اگلے اہداف کے بارے میں ثمن ذوالفقار نےکہا کہ میں نیشنل لیول پر زیادہ سے زیادہ میچز سپروائز کرنے کے بعد پاکستان سپر لیگ اور انٹر نیشنل میچز میں پاکستان کی نمائندگی کرنا چاہتی ہوں، مجھے امید ہے کہ پاکستان کرکٹ بورڈ مجھے وہ بھی موقع فراہم کرے گا۔

اپنا تبصرہ بھیجیں