خیبر پختونخوا میں طلبہ کے بیگز کے وزن کے حوالے سے نیا قانون تیار

خیبر پختونخوا حکومت نے اسکول بیگز کے وزن سے متعلق مجوزہ قانون تیار کرلیا۔
خیبر پختونخوا حکومت کا اسکول بیگز کے وزن سے متعلق مجوزہ اسکول بیگز ایکٹ ملکی تاریخ میں اپنی نوعیت کا پہلا قانون ہے۔
دستاویزات کے مطابق نرسری جماعت کے بچوں کے اسکول بیگز کا وزن 1.5 کلوگرام، پہلی جماعت کے اسکول بیگز کا وزن 2.4 کلوگرام جب کہ دوسری سے پانچویں جماعت کے اسکول بیگز کا وزن 2.5 سے 5.3 کلوگرام تک ہوگا۔

مجوزہ اسکول بیگز ایکٹ کے مطابق چھٹی سے دسویں جماعت تک اسکول بیگز کا وزن 5.4 سے 6.5 کلوگرام تک ہوگا جب کہ گیارہویں اور بارہویں جماعت کے اسکول بیگز کا وزن 7 کلوگرام تک رکھنے کی تجویز دی گئی ہے۔
دستاویزات کے مطابق قانون کی خلاف ورزی پر سرکاری اسکولوں کے اساتذہ کے خلاف قانونی کارروائی کی جائے گی اور نجی اسکول کو 2 لاکھ روپے تک جرمانہ کیا جائے گا۔

اپنا تبصرہ بھیجیں