مریم نواز آج نیب میں پیش ہونگی ، لیگی کارکنان کا احتجاج

لاہور : مسلم لیگ ن کی نائب صدر مریم نواز آج قومی احتساب بیورو (نیب) میں پیش ہوں گی، ن لیگی رہنما پر رائیونڈ میں خلاف قانون سستی اراضی خریدنے کا الزام ہے۔
تفصیلات کے مطابق مسلم لیگ ن کے قائد نوازشریف کی صاحبزادی مریم نواز آج نیب میں پیش ہوں گی، اس موقع پر لیگی قیادت کی جانب سے کارکنوں کو بھی رائیونڈ اور قومی احتساب بیورو (نیب) دفتر پہنچنے کی ہدایت کی گئی ہے۔
اس حوالے سے ذرائع کا کہنا ہے کہ مریم نواز پر رائیونڈ میں خلاف قانون سستی اراضی خریدنے کا الزام ہے۔ جس کے لیے نیب نے انہیں‌ طلب کر رکھا ہے .نیب نے نوازشریف کی صاحبزادی سے چودہ سو چوالیس کنال اراضی پرجواب طلب کررکھا ہے۔ ذرائع نے بتایا مریم کے ساتھ والد نوازشریف،دادی شمیم بیگم بھی شامل تفتیش ہیں۔
اس موقع پر کارکنان کی بڑئ تعداد بھی نیب کے باہر جمع ہے اور نیب کے خلاف مظاہرے کر رہی ہے . اور نیب کے اس عمل کو سیاسی انتقام کہہ رہی ہے
مریم نواز کی پیشی کیلئے نیب نے سوالنامہ تیار کرلیا ہے، ذرائع کے مطابق نیب سوالنامے میں پوچھا گیا ہے کہ زمین کی خریداری کیلئے فنڈز کب اورکہاں سے لئے؟،زمین کی خریداری کیلئے فنڈز کے ذرائع ہر سال کے حساب سے بتائیں؟۔

نیب نے سوالنامے میں پوچھا ہے کہ زمین کی خریداری کیلئے ٹیکسز اور ڈیوٹیز کی ادائیگی کی تفصیل بھی بتائی جائے،اس میں سے کوئی زمین بیچی گئی ہے تواس کی تفصیلات بھی دیں۔

ذرائع کا کہنا ہے کہ سوالنامے میں مزید پوچھا گیا ہے کہ زمین کس مقصد کیلئے استعمال کی گئی ؟اس کی تفصیلات دیں، زمین زرعی مقاصد کیلئے استعمال کی گئی یا کمرشل مقاصد کیلئے؟۔
ان سب سوالوں‌کے جواب آج نیب میں‌مریم نواز دیں‌گی

اپنا تبصرہ بھیجیں