عابد ملہی کے لیے شوبز شخصیات کا کڑی سزا دینے کا مطالبہ

پاکستان کی شوبز انڈسٹری سے وابستہ شخصیات نے موٹر وے زیادتی کیس کے مرکزی ملزم عابد ملہی کو سخت سزا دینے کا مطالبہ کیا ہے۔
اداکار عدنان صدیقی نے مائیکرو بلاگنگ سائٹ پر ٹوئٹ کی جس میں انہوں نے کہا کہ اب موٹروے زیادتی کیس کا مرکزی ملزم پولیس کے شکنجے میں ہے، اب انصاف کے تقاضے پورے کیے جائیں، جیسے کہ کہا جاتا ہے کہ انصاف میں تاخیر کرنا، انصاف سے انکار کرنا ہے۔

عدنان صدیقی نے وزیراعظم عمران خان کو ٹیگ کرتے ہوئے لکھا مجرموں کو اس گھناؤنے جرم کی مثالی سزا دی جائے۔

اداکارہ صنم سعید نے ملزم عابد ملہی کی گرفتاری پر شکر ادا کرتے ہوئے کہا کہ ’شکر، دعا ہے کہ انصاف غالب ہو، اس طرح کا گھناؤنا جرم کرنے والوں پر بلکل رحم نہ کیا جائے، ملزم کے لیے جو بھی سزا کا فیصلہ ہو اس کا مقصد اس طرح کے جرائم کی روک تھام ہونا چاہیے۔

اداکارہ اقراء عزیز نے بھی ٹوئٹ کرتے ہوئے کہا کہ موٹر وے ریپ کیس کے تقریباً ایک ماہ بعد بلآخر ملزم عابد ملہی گرفتار ہوگیا ہے۔

انہوں نے کہا کہ قانون غالب آنا چاہیے اور اس کے ساتھ بلکل بھی رحم دلی نہ برتی جائے۔

اپنا تبصرہ بھیجیں