پاکستان شوبز انڈسٹری کی اداکار جوڑی عروہ اور فرحان نے کورونا وائرس کی دوسری لہر کے دوران پی ڈی ایم کے جلسوں کے انعقاد پر اپوزیشن لیڈرز کو شدید تنقید کا نشانہ بنایا اور سماجی رابطے کی ویب سائٹ ٹوئٹر پر اداکار و گلوکار فرحان سعید کی جانب سے اعلیٰ حکام سے درخواست کرتے ہوئے ٹوئٹ کیا گیا کہ اگر مسلم لیگ (ن) کا جلسہ نقصان دہ اور وائرس کے پھیلاؤ کا سبب نہیں تو پھرکنسرٹس، شادیوں اور سینماز پرپابندی کیوں؟
If according to Pml N jalsas are harmless and it doesnt spread the virus , why are their restrictions on concerts ,weddings and cinemas ? Could you @WaseemBadami please ask the authorities , because a lot of people are suffering due to this. @sayedzbukhari @ImranKhanPTI
— Farhan Saeed (@farhan_saeed) December 13, 2020
اداکار نے وزیراعظم عمران خان، وزیراعظم کے معاون خصوصی برائے اوورسیزپاکستانی زلفی بخاری اور اینکر وسیم بادامی کو ٹیگ کرتے ہوئے مزید لکھا کہ برائے مہربانی کیا آپ لوگ حکام سے پوچھ سکتے ہیں؟ کیونکہ اس وجہ سے بہت سے لوگوں کو مشکلات کا سامنا ہے۔
دوسری جانب گلوکار فرحان سعید کی اہلیہ عروہ حسین کی جانب سے بھی پی ڈی ایم جلسوں پر برہمی کا اظہار کیا گیا ہے۔
They could have saved their tiny little fraction of support left in Pakistan only if they weren’t using a world pandemic into their personal benefits.This only projects how power & money is all they think about while humanity is at further risk in this world crisis!
— URWA HOCANE (@VJURWA) December 13, 2020
انہوں نے ٹوئٹر پر کہا کہ اگر وہ اپنے ذاتی مفادات کے لیے عالمی وبا کا استعمال نہ کرتے تو وہ پاکستان میں اپنی بچی کچی حمایت کو محفوظ کرسکتے تھے، یہ سب ظاہر کرتا ہے کہ یہ لوگ کس طرح اقتدار اور پیسے کا سوچتے ہیں جب کہ اس دوران عالمی بحران میں انسانیت مزید خطرے میں ہے۔
