ترک صدر طیب اردوان کی تنخواہ کتنی ہے؟

استنبول: ترکی کے صدر طیب اردوان کی تنخواہ میں آئندہ سال سے 8 فیصد اضافہ ہوجائے گا۔
جسٹس اینڈ ڈویلپمنٹ پارٹی (اے کے پی) کے سال 2021 کے بجٹ کے مطابق ترک صدر طیب اردوان کی تنخواہ میں 6 ہزار 750 لیرا یعنی 863 ڈالرز کا اضافہ ہوگا جو ترکی میں کم سے کم تنخواہ لینے والے 3 ملازمین کی تنخواہ کے برابر ہوگا۔
اضافے کے بعد ترک صدر کی ایک ماہ کی تنخواہ 88 ہزار لیرا یعنی 11 ہزار 275 امریکی ڈالر ہوجائے گی۔
نئے بجٹ کے تحت ایون صدر کے لیے مختص بجٹ میں مجموعی طور پر 886 ملین لیرا اضافہ دیکھا گیا ہے جس میں سے دفتر کے لیے کُل رقم 4.39 ملین لیرا ہوگی۔
ٹریژری کے اعدادو شمار کے مطابق 2014 میں طیب اردوان کے اقتدار سنبھالنے کے بعد سے صدارتی اخراجات میں 550 فیصد اضافہ ہوا ہے جو 2018 میں 3.5 بلین لیرا سے زائد رہا۔
2019 کی کورٹ آف اکاؤنٹس رپورٹ کے مطابق طیب اردوان کے بیسٹیپ صدارتی کیمپس کا یومیہ خرچہ تقریباً 10 ملین لیرا رہا۔

اپنا تبصرہ بھیجیں