کورونا وائرس کے حؤالے سے گوگل نے نیا فیچر متعارف کرا دیا

گوگل کی جانب سے مقبول ترین میپس ایپ میں لوگوں کو کورونا وائرس سے تحفظ فراہم کرنے والے ایک نئے فیچر کا اضافہ کیا گیا ہے۔ اور یہ اضافہ گوگل میپس میں ایک نئی کووڈ لیئر کا ہے

گوگل کی جانب سے اعلان کیا گیا ہے کہ گوگل میپس میں ایک نئی کووڈ لیئر کا اضافہ کیا جارہا ہے تاکہ صارف کسی بھی علاقے میں اس بیماری کے کیسز کی تعداد کو زیادہ بہتر طریقے سے جان سکیں۔
کورونا وائرس کی وبا متعدد ممالک میں تاحال تھم نہیں سکی جبکہ متعدد خطوں میں اس وائرس کی دوسری لہر بھی سامنے آگئی ہے، اس کو دیکھتے ہوئے گوگل کی جانب سے یہ نیا فیچر متعارف کرایا گیا ہے۔
صارفین اس فیچر کو ان ایبل کرنے کے بعد ایک کلر کوڈ نقشہ دیکھ سکیں گے جو ہر ایک لاکھ افراد آبادی میں کیسز کے اعدادوشمار ظاہر کرے گا۔
اسی طرح اس کلر کوڈ نقشے میں ایسے لیبلز بھی ہوں گے جو بتائیں گے کہ اس علاقے میں کیسز کی تعداد بڑھ رہی ہے یا کم ہورہی ہے۔ جس سے صارفین کو اس بات کا اندازہ ہو جائے گا کہ جس علاقے میں وہ جا رہے ہیں‌. وہ ان کے لیے محفوظ‌ ہے یا نہیں‌..

گوگل کے مطابق یہ فیچر ان تمام 220 ممالک اور خطوں میں دستیاب ہوگا جو اس وقت گوگل میپس کو سپورٹ کررہے ہیں۔ جہاں ممکن ہوگا یہ ڈیٹا شہروں کی سطح پر دکھایا جائے گا مگر اس کا انحصار اعداد و شمار کی دستیابی پر ہوگا۔
گوگل کے مطابق یہ ڈیٹا مختلف ذرائع بشمول جونز ہوپکنز یونیورسٹی، نیویارک ٹائمز اور وکی پیڈیا سے اکٹھا کیا جائے گا جبکہ مقامی اور حکومتی اداروں کی جاری کردہ تفصیلات کو بھی اس کا حصہ بنایا جائے گا۔
یہ اسی طرح ہے جیسے اس وقت گوگل کی جانب سے سرچ رزلٹ پیجز میں کووڈ ڈیٹا کو دکھایا جاتا ہے۔

یہ نیا فیچر اینڈرائیڈ اور آئی او ایس کی جانب سے اس ہفتے بتدریج صارفین تک پہنچنا شروع ہوجائے گا اور آئندہ چند دن یا ہفتوں میں تمام صارفین اسے استعمال کرسکیں گے تاہم گوگل کی جانب یہ فیچر ڈیسک ٹاپ ورژن میں متعارف کرائے جانے کا ارادہ نہیں۔

اپنا تبصرہ بھیجیں