ایس او پیز کی خلاف ورزی پر پشاور میں 5 کروڑ سے زائد کے جرمانے

صوبہ خیبر پختونخواہ کے دارالحکومت پشاور میں کرونا وائرس ایس او پیز کی خلاف ورزی پر 5 کروڑ 64 لاکھ روپے سے زائد کے جرمانے کیے گئے۔
تفصیلات کے مطابق صوبائی دارالحکومت پشاور میں کرونا وائرس ایس او پیز کی خلاف ورزیوں پر تمام اضلاع میں کارروائیاں جاری ہیں، 3 جون سے 24 اگست تک 11 لاکھ 97 ہزار 895 کارروائیاں عمل میں لائی گئیں۔
شہر میں 2 لاکھ 79 ہزار 805 افراد اور کاروباری مراکز کو وارننگ جاری کی گئی جبکہ 17 سو 3 یونٹس اور کاروباری مراکز سیل کردیے گئے ہیں

رپورٹ کے مطابق 1 لاکھ 58 ہزار 372 یونٹس اور کاروباری مراکز پر جرمانے کیے گئے، مجموعی طور پر 5 کروڑ 64 لاکھ 47 ہزار 885 روپے کے جرمانے کیے گئے۔
ملک بھر میں گزشتہ 24 گھنٹوں کے دوران 450 افراد میں کرونا وائرس کی تصدیق ہوئی جس کے بعد ملک میں کرونا وائرس کے مجموعی کیسز کی تعداد 2 لاکھ 93 ہزار 711 ہوچکی ہے۔
گزشتہ 24 گھنٹوں کے دوران کرونا وائرس کے 9 مریض انتقال کر گئے جس کے بعد ملک میں کرونا وائرس سے ہلاکتوں کی مجموعی تعداد 6 ہزار 255 ہوچکی ہے۔
ملک میں فعال کیسز کی تعداد 9 ہزار 31 ہے جبکہ 2 لاکھ 78 ہزار 425 مریض صحتیاب ہو چکے ہیں۔

اپنا تبصرہ بھیجیں