وزیر اعظم عمران خان آج اقوام متحدہ کی جنرل اسمبلی سے آن لائن خطاب کریں گے

وزیر اعظم عمران خان آج اقوام متحدہ کی جنرل اسمبلی سے آن لائن خطاب کریں گے ،جس میں مسئلہ کشمیر سمیت دیگر عالمی مسائل پر بات کریں گے۔
تفصیلات کے مطابق وزیر اعظم عمران خان آج ویڈیو لنک کے ذریعےاقوام متحدہ کی جنرل اسمبلی کے 75ویں اجلاس سے خطاب کریں گے، وزیر اعظم آن لائن خطاب میں کورونا سمیت دیگر اہم معاملات پر بھی بات کریں گے۔

عمران خان خطاب میں مسئلہ کشمیر کو اجاگر کرتے ہوئے مظلوم کشمیریوں کی آواز اقوام عالم تک پہنچائیں گے اور بھارتی جارحیت کو ایک بار پھر بےنقاب کریں گے جبکہ علاقائی سلامتی کو درپیش چیلنجز پر بھی روشنی ڈالیں گے۔
وزیر اعظم عمران خان کا خطاب پاکستانی وقت کے مطابق رات دس بجے کے قریب دکھایا جائے گا، وزیر اعظم کے خطاب کی ریکارڈنگ مکمل کرلی گئی ہے۔
کورونا وائرس کی وجہ سے پہلی بار جنرل اسمبلی کا سالانہ اجلاس آن لائن ہو رہا ہے۔

گذشتہ روز وزیراعظم عمران خان نے اقوام متحدہ کےغربت میں کمی اوراحتساب سےمتعلق فورم سےخطاب میں منی لانڈرنگ اور ٹیکس چوری کے لیے ٹھوس اقدامات اٹھانے پر زور دیتے ہوئے کہا تھا ہرسال ترقی پذیرممالک سےاربوں ڈالرغیرقانونی طورپرنکل جاتےہیں جب کہ وائٹ کالر کرمنلز ایک ٹریلین ڈالرترقی پذیرممالک سے ہڑپ کرجاتے ہیں، ایسےقوانین بننے چاہئیں، جس سےترقی پذیرممالک کالوٹاپیسہ واپس آئے۔
انہوں نے کہا تھا کہ ملٹی نیشنل کمپنیوں کےٹیکس چوری کےاقدامات کوروکاجائے، عالمی برادری کوانسدادمنی لانڈرنگ کیلئے مشترکہ اقدامات کرنے چاہئیں۔

اپنا تبصرہ بھیجیں