کرسمس کا تہوار پوری دنیا میں پر جوش طریقے سے منایا جا رہا ہے

دنیا بھر کی طرح مسیحی برادری پاکستان میں بھی کرسمس کا تہوار منا رہی ہے اور دعائیہ تقریبات میں ملک وقوم کی ترقی اورخوشحالی کے لیے خصوصی دعائیں مانگی جا رہی ہیں۔
کراچی کے مقامی ہوٹل میں کرسمس ٹری، اسنومین، برف سے ڈھکےگھر اور ماسک پہنے سانتا کلاز وہاں آنے والوں کو خوش آمدید کہہ رہے ہیں۔
لاہور کے گرجا گھروں میں رات گئے دعائیہ تقاریب کا اہتمام کیا گیا اور ملک و قوم کی ترقی و سلامتی کی دعائیں مانگی گئیں، اس موقع پرکیتھڈرل چرچ کو خوبصورتی سے سجایا گیا۔
دوسری جانب وفاقی دارالحکومت اسلام آباد میں بھی مسیحی برادری کرسمس مذہبی جوش و جذبے سے منا رہی ہے اور مختلف آبادیوں اور گرجا گھروں کو خوبصورتی سے سجایا گیا ہے۔
حیدرآباد میں بھی گرجا گھروں کو خوبصورتی سے سجایا گیا ہے اور سانتا کلاز بچوں میں تحائف تقسیم کر رہے ہیں۔
سخت سردی کے باوجود کوئٹہ کے گرجا گھروں میں کرسمس کی روایتی تقریب منعقد ہوئیں اور خواتین و حضرات نے بھی اس میں بھرپور شرکت کی۔
علاوہ ازیں کرسمس پر ملتان میں 1500 پاؤنڈ وزنی کیک کاٹا گیا جبکہ سرگودھا میں بھی کرسمس کا تہوار بھرپور طریقے سے منایا جارہا ہے، بچیاں چوڑیاں پہن رہی ہیں اور مہندی لگوا رہی ہیں جبکہ گرجا گھروں کو بھی برقی قمقموں سے سجایا گیا ہے۔
اسی طرح دنیا بھر میں جہاں جہاں مسیحی برادری ہے . جو کرسمس کا تہوار منا رہی ہے . حالانکہ کورونا کی دوسری لہر اس وقت عروج پر ہے . لیکن پھر بھی مسیحی برادری ایس او پیز کو مدنظر رکھتے ہوئے اس دن کو گزار رہی ہے

اپنا تبصرہ بھیجیں