کورونا کے بڑھتے کیسز کے پیش نظر میو اسپتال کا آپریشن تھیٹر بند

کورونا کیسز میں اضافے کے پیش نظر لاہور کے میو اسپتال میں آپریشن بند کر دیے گئے ہیں۔
میو اسپتال کے شعبہ سرجری کے سربراہ پروفیسر ڈاکٹر اصغر نقی کی جانب سے جاری نوٹیفکیشن کے مطابق کورونا کیسز میں اضافہ ہونے پر اسپتال میں روٹین کے آپریشن تاحکم ثانی روک دیے گئے ہیں۔
پروفیسر ڈاکٹر اصغر کا کہنا ہے کہ ایمرجنسی اور کینسر کے مریضوں کی سرجریز معمول کے مطابق جاری رہیں گی۔
پاکستان میں کورونا مریضوں کی مجموعی تعداد 3 لاکھ 29 ہزار 400 کے قریب پہنچ چکی ہے جب کہ ملک میں مرنے والے مریضوں کی تعداد 6 ہزار 750 کے قریب پہنچ چکی ہے۔
گزشتہ 24 گھنٹوں کے دوران ملک میں 27133کورونا ٹیسٹ کیے گئے جن میں سے 773 ٹیسٹ مثبت آئے جب کہ کورونا سے مزید 6 افراد انتقال کر گئے۔

اپنا تبصرہ بھیجیں